【头条独家】演舞台剧被杨诗敏狼擒钱嘉乐袁伟豪齐控诉变「受害者」

2020-01-02 23:00

见于社会环境不能预测因素，由钱嘉乐、袁伟豪(Ben)、黄智雯及杨诗敏主演的舞台剧《今晚打老虎》由10场减至得返6场，不过，他们仍然排练得相当落力，好有火花。钱嘉乐仲笑住投诉杨诗敏(虾头)，「我哋喺舞台剧界系唔可以得罪虾头嘅，原来编剧系佢师弟，导演都系佢啲人，佢喺记者会讲过想要夺走我舞台剧初吻，剧本翌日即加咗，唔只我一个系受害者，袁伟豪都要畀佢钖、揽同哽呀！」虾头对此急急澄清：「唔系咁，件事冇咁黑暗。」讲到底，开开心心做场好戏，都系希望过年前带啲欢乐畀香港人。采访：方骞平

潘嘉德监制的舞台剧《今晚打老虎》于1月10日‑ 19日假香港演艺学院演出6场，连日来演员密锣紧鼓排练，其中钱嘉乐及杨诗敏系搞笑的一对，杨诗敏「怪责」钱嘉乐放好多笑弹阻她排戏，钱嘉乐反指虾头赚晒，「佢锺意就跳上嚟叫我抱住佢！」袁伟豪和议说：「虾头系赚多咗啲，连我都要畀佢摸，由心口摸到落去肚腩。」钱嘉乐叮嘱Ben执生，「正式时肉随砧板上唔知佢会点做喎！」虾头哈哈大笑说：「咁就睇吓佢截唔截得到我喇！否则就一直摸落去，好考佢反应呀！因为剧中我系饰演倾慕佢嘅丫鬟，由细照顾公子到大，所以会有亲密举动，包括同公子扫背。」黄智雯反而话不知几想畀虾头哽吓，可惜两人好少对手场口，她说：「恨咗好耐，终于做到舞台剧，有唱歌同跳舞场口，仲有女扮男装，系开心好玩嘅，因为同拍剧好唔同，眼神、语气都要调节吓。」

有意「黄金兄弟」crossover黄老虎
近年转做动作指导的钱嘉乐话演呢个舞台剧搵返昔日做喜剧演员个Mood，「希望过年前带啲欢乐畀香港人，原来对上一次舞台剧喺19年前嘅《奖门人绝对舞台Super Show》。」他又希望将来有机会可以跟郑伊健、陈小春、林晓峰「黄金兄弟」crossover黄老虎反转舞台，应该好好玩，不过，陈小春同郑伊健收得咁贵，应该请佢哋唔起了。