树林摸黑拍MV　Aka@Super Girls舞伤脚

女子组合Super Girls队长赵慧珊（Aka）近日继续「单飞」推出新歌《到底之后》，日前Aka则为歌曲MV到郊外取景，其中一幕更要爬上一棵大树，她说︰「第一次爬上咁高嘅树拍摄，其实一开始几惊，因为未试过爬树，但最惊唔系因为高，而系树上嘅蚁，树上有好多蚁，当我撑上去时，整死咗好多蚁，所以真系对佢哋唔住。」

为营造谷底的感觉，Aka特别于凌晨时分到西贡的树林，还把早前于韩国学的舞技于MV中展现，她表示︰「MV中加入我在韩国训练嘅舞步，晚上在树林内跳舞，加上导演设置嘅灯光效果，演绎出在谷底跳舞嘅感觉。」不过拍摄时她却遇上意外整伤脚，她续说︰「因为泥土有啲湿同有好多石，而且夜晚拍摄，我睇唔到地下，有一些树枝同叶，当跳舞有一个高难度动作，我要跳起只脚，结果就整到脚同小腿中间位置，大家都听到『卜』一声，当时我系担心会骨折，好彩唔系，第二日全日行路都系痛，以前都未试过，可能因为在树林入面跳。」

提到歌曲讲人生困境，Aka坦言亦曾遇过，故想将经历分享给大家，她表示︰「呢首歌系我一直都好想唱出来嘅感觉，我亦曾遇过困境，当时觉得做咩都唔顺利，加上有好多批评声音，自己好唔开心。但之后我就谂为何不承认自己去到谷底呢？当自己去到谷底时，原来你会发觉冇嘢可以惊，你会觉得仲有咩比现在更衰呢！」