【头条独家】圈中花心男主动走近　李静仪拒为爱改变自己

女子组合Super Girls（SG）成员李静仪（Heidi）前年推出个人品牌「Be True To Yourself（B.T.T.Y.）」，近日又为一系列全新服饰推出首只个人新歌《Be True》来造势！获封「冰山美人」的Heidi坚决做自己，惜Cool爆性格令异性难以埋身，虽然她明言恨拍拖，但也不会轻易堕入爱河，更加不会拣艺人做男友，事关她遇过「不忠男」，觉得圈中太多诱惑，毫无安全感！撰文：黎宝伦　摄影：李维隆

今次服装印上「Be Yourself」、「Do not bother me 」等Slogan，反映了李静仪反叛一面，她自言最反叛是唔听妈咪话入娱乐圈，「妈咪好保守，佢惊我畀人呃，担心间公司唔稳阵、收入又唔稳定，想我做番写字楼、政府工，但慢慢做落畀咗好多信心佢，𠵱家都好支持我。」

一直有储钱
不过Heidi直言入行初期零收入，仲要向公司借粮，每月得3000蚊用，成日食快餐店，幸Super Girls五女于头一年已还清债项。问是否因此激发她做生意赚大钱？她表示搞B.T.T.Y.纯粹为兴趣，拍档们为追求最佳出品，更选择本地及加拿大制作，连同宣传等使费，分分钟冇钱赚，似乎Heidi都唔叻揸数！她笑道：「冇在意罗，要使就使，但做咗生意后学识睇住盘数，变咗婆仔，𠵱家所有嘢都精打细算，我应该系SG入面最精明，因为我有储钱同投资，队长Aka先系月光族！」

曾遇人不淑
说到Be Yourself，Heidi称曾为另一半改变性格令自己唔开心，「试过同另一半嘅价值观相距愈来愈大，佢唔明我点解咁夜收工、成日咁忙、节日又要开工。（同圈中人拍拖好啲？）好少拣幕前，因为好冇安全感，我遇过一啲唔诚实嘅男仔，走埋嚟识我但隐瞒自己有女友，好彩我发现得早，因为我曾经受过伤害，疑心比较重，所以喺约会时都会留意每一个细节，睇吓有冇蛛丝马迹。」她又坦言恨拍拖，但暂时未想结婚，「𠵱家工作行先，仲有时间嘅。」