【头条独家】拍《黄金有罪》打到周身伤洪永城同陈滢有床戏被羡慕

2020-01-20 22:00

洪永城（Tony）最近人气好旺，播完《多功能老婆》后，主演的《丫鬟大联盟》和《黄金有罪》叠住推出成为「剧王」，而跟黄翠如合作主持的《出走澳洲》成为台庆颁奖礼「最佳非戏剧」五大节目之一。Tony在新剧《黄金有罪》中突破咗唔少第一次，包括畀车追、畀人打、碌落山、跳埋楼，仲要除衫做戏，好激。采访：方骞平服装：Tommy Hilfiger

新剧《黄金有罪》中的洪永城系个70年代街头长大嘅小混混，他就趁经济起飞，偷呃拐骗赚钱，同陈滢齐齐夹计搵食，好啱Key：「套剧有好多动作场面，因为我旁门左道，畀人追、畀车追、碌落山、跳落楼，都畀我包办晒，经此一役功夫好咗，相信将来可以拍吓功夫片。」多动作场面又无用替身，所以Tony经常都有损伤，甚至整亲肋骨。「有场戏畀林韦辰手下打，可能位置夹得唔够准，武指一拳就打中咗我个嘴，搞到「爆缸」流血，好彩冇伤到牙齿，不过嗰个take好ok，因为变咗真打。」

拍亲热戏无感觉
讲到印象最深剧情， Tony兴奋说：「有场戏由三楼跳落二楼，再接住陈滢碌落地下，由于要保护住佢，惊整亲佢唔好意思，所以碌落地时都好埋身。仲有同陈滢、李璧琦、陈自瑶有咀嘴戏同牀戏，搞到啲男同事都好羡慕咁问我：『系咪畀钱买通咗监制同导演？』不过我又冇乜特别感觉，都系演戏啫。」提到再夺主持奖项，问到下个目标是否向视帝进发？他即说：「距离视帝之路仲有好远同好远，眼中视帝除咗识演戏，都要同幕后有沟通，以及可以处理到场面嘢，呢方面仲有好多嘢要学。」