洗邋遢兼洗涤心灵　冯允谦被黄淑蔓考新年习俗

2020-01-21 20:36

寰亚音乐旗下歌手梁钊峰、陈健安（On仔）、冯允谦及黄淑蔓等为「年廿八洗邋遢」拍照。
黄淑蔓更搞笑的追问冯允谦是否知道过年习俗，又考他识唔识写「邋遢」两个字？令冯允谦失笑说：「梗系唔知啦，咪玩我啦。」黄淑蔓表示年廿八除了在家中大扫除外，也可清走负能量，洗涤心灵健康，冯允谦马上回应说：「我会选择唱歌，唱歌系清走唔开心最好嘅方法。」

而On仔就有独门秘方：「有唔开心我建议你写低佢，因为喺写低过程入面，你会见到其实都唔系咁唔开心啫，然后再掉咗张纸，咁就会将啲衰嘢掉晒。」钊峰就表示：「我积埋自己可能都唔知，直至有一排瞓得唔好，就知道可能自己压力大，所以之前就写咗首《28天》，教自己有乜嘢都唔可以咁执著。」而年纪轻轻的黄淑蔓直言自己没有甚么负能量：「我有乜都唔会积埋，瞓醒觉就唔记得晒。」