【头条独家】难忘大洒金钱又被淋屎黄智贤乐做《黄金》二世祖

2020-01-10 02:00

黄智贤（Ben）最近在新剧《黄金有罪》演富二代「唐昊峰」，他笑言难得可演二世祖，虽然角色经历不少起跌，不过亦有好多难忘戏份，譬如去夜总会玩向天大洒金钱，以及在后巷畀人淋屎；而相隔26年再跟张兆辉合作，感觉依然亲切。讲到鼠年愿望除了身体健康，他笑言希望屋企3只宝贝狗狗，唔好再周围便便。撰文：杜淑霞摄影：李维隆发型：Willie Chan@hair culture

以往Ben多演基层角色，好少做有钱人，「今次呢个唐家二少，完全系个二世祖嚟，如果顺景本来系冇乜缺点，但系佢EQ真系好低，逆景时问题就出现，除咗要同曾航生演嘅阿哥争身家，仲因为娶咗陈自瑶演嘅老婆，令Lily姐（梁舜燕）演嘅阿妈好唔锺意，佢一生都好大起跌㗎！」讲到难忘戏份，Ben说：「我未试去夜总会玩，仲好豪咁向天系咁掉钱，虽然系道具，但感觉真系好正，仲有就系喺后巷畀人淋屎，嗰日排到最后拍，拍完个个收得工，得番服装姐姐等我冲身。」