【最强阿妈】首集全球赞好 《无声绝境2》继续吓你兼解谜

18年上映的《无声绝境》被「恐怖大师」Stephen King大赞为佳作，因为一家之主即导演本人在第一集中已因救仔女而牺牲，所以《无声绝境2》就由最强阿妈Emily Blunt孭重飞，负责带住Noah Jupe、Millicent Simmonds及新生BB为保命而迁离旧地，但咪以为上集已搵到对冧外星怪兽嘅方法就唔使惊，学洪师傅话斋，无咁易嘅。

最强阿妈希望搵到一个安全地方继续生活，唔觉意闯入Cillian Murphy 居住嘅地方，发现外星怪兽根本周围都有，同时透过Emily及Cillian嘅对话，明白到通过声音嚟狩猎嘅外星怪兽，并非佢哋求生嘅唯一威胁。另外，Emily提到「出面仲有好多人值得被救」，但Cillian唔认同，更持反调，「活下来的并不值得被救」，暗示生还者即人类较怪兽更恐怖，然后就见到最强阿妈拎起支长枪，但呢个谜要等到3月先可以解开嘞。