【头条独家】泰国直击开公司为同业制造机会李璨琛做监制为当导演铺路

2019-12-13 20:15

李璨琛（Sam）最近跟姜文杰等人成立制作公司「Soul Crew」，创业作《大盗演》早前到泰国曼谷取景，Sam除了主演还兼任监制。Sam坦承开公司为自己制造机会外，亦为同业筹谋，更希望帮到一班新演员，好似今次有份演出的潘伯仲和邝家瑜。Sam坦承自己亦有个导演梦，现在希望透过监制工作，加深了解电影制作，为未来做导演铺路。采访：杜淑霞

入行23年的 Sam坦承做演员好被动，又缺乏安全感，令他一直有开公司谂法，「几年前都有呢个构思，制造机会畀自己同其他朋友，有个班底喺度，我哋系做得到㗎喎！于是集合咗今次个导演锺盛远、钱江汉同埋Benji（姜文杰）成立呢间公司。」

人事最难搞
这套作品前，Sam已先后为网剧及电影出任过监制，他坦承最困难除了资金就是人事问题，「人事最难搞，了解完呢边又要同嗰边讲，以前人哋做我调解员㗎嘛！对自己EQ都系个练习，自己都冲动，𠵱家训练得多真系成熟咗，始终多咗个身份，成个剧组都要顾，了解多咗其他部门嘅运作，对净系做演员都有帮助，会多咗体谅。」Sam坦承都有想过做导演，所以多做几部监制学习，「一人分饰几角，冇话唔得嘅，做多几部先，到有一部好啱心水或者好想拍嘅就尝试吓。」Sam亦承认现在自己有小小能力都想帮吓新人，所以呢日专登搵埋潘伯仲和邝家瑜去练体能，「做演员除咗记对白走位，都要识啲动作旁吓身嘅，我哋一齐去做Gym睇吓你哋够唔够fit啦！」