【头条独家】导演度身订造角色陈静增肥20磅预演妈咪

2019-11-28 23:58

陈静（DaDa）最近跟陆以心继《低俗喜剧》再度在《Baby复仇记》合作，陆以心DaDa成为闺密后决心度身订造角色展现她另一面，加上身边人离不开生B话题，于是有今次故事诞生。DaDa坦言本身跟角色好唔同，恨生B的她，更多谢导演让她有预演大肚做妈咪机会，虽然要增肥20磅演出，但她觉得好值得。撰文：杜淑霞摄影：李维隆造型：gav1ng 化妆、发型：Pinko.C 场地：东南楼

上次《低俗喜剧》陆以心是编剧，今次则是编剧及导演，她解释上次跟DaDa合作后，成为无所不谈的闺密，好想度身订造角色畀对方，「我哋真系乜嘢都倾，大家又锺意食嘢，了解佢多咗发觉仲有好多面值得观众去睇，近年身边好多朋友都做咗妈咪或者想生B，于是就谂到呢个主题。」

学识搵对象要成熟
由于制作费有限，拍摄要在10几日内完成，但剧情要交待DaDa由未怀孕到生B，幸好陆以心要DaDa增完肥极速减番，她一样配合。DaDa说：「咁难得遇到咁好角色，依家以女性做主导嘅角色唔容易有，当然要配合啦！况且增肥时可以任食，唔知几开心啦！虽然只有两星期去减，但有目标去做会好啲嘅。」

讲到角色是个不想有小朋友的职业女性，DaDa话表面睇同角色好唔似，因她极恨生Ｂ，「将来有小朋友我乜都会以佢行先，甚至放弃演戏都得。」DaDa仲话拍完戏学识好多做妈咪的知识，「多谢导演畀我好似预演咗一次点样做妈咪，仲好清楚要搵个成熟男人，照顾到自己同小朋友，唔系等如凑多个小朋友。」