【头条独家】自爆中学被侵犯 雷深如望新剧为女性发声

雷深如（J.Arie）最近参与ViuTV剧集《假设性无罪》演出，戏中她演的「细V」因不雅片被公开受到网络欺凌及同事歧视，一度跳楼昏迷。对于该剧以「＃Me Too」做主题，她坦承有意义，更自爆曾被性侵，但当时怕事不敢出声，现在更想为女性多发声。签约新经理人的她，亦希望戏剧外多做音乐。撰文：杜淑霞 摄影：李维隆  发型：Bowie Lo 化妆：Frances Ho@Jessica Chan Make-up team 场地：1963木十豆寸

J.Arie坦言入行以来，每次演出角色都好怪，今次都唔例外，「唔知点解监制同导演都好锺意搵我做啲怪怪哋嘅角色，今次某程度上大部份戏份都好似鬼魂咁样出现，不过后尾观众会见到我真身，到时会揭开啲秘密。」

望多做音乐
对于剧集以「＃Me Too」做主题，J.Arie觉得份外有意义，「以往比较少剧集会用呢个题材，自己有份参与都想引起大家关注呢个问题。」她更自爆中学时曾经是性侵受害者，「嗰时放学坐港铁，试过畀个着住校服嘅男仔，喺后面用身体磨我背脊，当时车厢唔多人，所以唔系人迫掂到，我专登行开一边，佢又再跟住我继续咁做，当时自己好怕事唔敢出声，不过畀着依家遇到，或者睇到有人畀人侵犯，我都一定会出声，未来都想透过作品为女性多啲发声。」

29岁的J.Arie未心急拍拖，因想搵到志同道合的男仔先开始，而父母亦冇催她，刚签了新经理人的她，更希望先专注事业，「未来除咗戏剧，可以试多啲唔同角色外，都想做多啲音乐，不论系自己唱，定系写歌畀其他歌手。」