【维港会】巴士车长叫乘客行入车厢 反遭车门通道驻足女投诉

繁忙时间不少巴士都会好似罐头一样挤迫，通常乘客都会容忍。但一名巴士车长多次发出广播呼吁乘客走进车厢后方，但一名女子不但坚持站在车门通道拒绝配合，事后更投诉车长叫乘客走入车厢后方，令车长自问「究竟我做错咗啲咩 」、「究竟香港人有几咁难服侍」
。
一名巴士车长在Facebook「西客之道 Hispitality Secret」发文，称某日负责驾驶新界西北过海的西隧长途线，大约早上7点左右最繁忙的时间，上层、下层全部座位都坐满，车长就叫乘客尽量企入去。但系有位女乘客一上车就站在车门走廊、司机位左面后方位置。车长就揿广播机同埋出声叫乘客尽量行入车厢。

车长解释，「但系呢位女乘客依然一尊佛咁样栋喺走廊顶住人入去，叫咗几个站都冇人理我。去到转车站，大约有起码20人左右排队，但系只有车头两三个人企人喺度顶住，入面大把空位」。车长忍无可忍，于是企起身，然后就讲「麻烦大家行入少少喇，个个都赶住返工！唔好咁自私喇！唔该！行入两步啦！好多人上唔到车」。

车长指，虽然其他乘客都行入去，「唯独嗰个女客依然一碌木咁企喺我附近走廊，望住我，然后得低头玩电话。然后冇几耐就收到佢投诉我，话我不停叫人行入车厢」。

有网民就质疑投诉理据，「咁客气都投诉？试过有司机直头揶揄：『车尾系唔系有鬼？无就企入啲啦！』」，有人感同身受批评「企响车头唔行入 啲嗰啲XX真系好乞人憎」。