乐●活｜糕饼生力军

豪华饼店结业，呢间开业咗48年九龙城地标将会成为历史。其招牌酥皮蛋挞、花卷、菠萝包等一系列怀旧港式包点即将成为味蕾回忆……面包、糕点确实系唔少人早餐、下午茶嘅选择，既方便选择又多。

好似OK便利店不时都会推出唔同种类嘅面包，好好JUST SOFT、Koppepan、夹心飞碟、醇吐司、Super Soft三文治等，好似最近推出咗3款唔同口味、以传统手法焗制，入口充满嚼劲嘅Bagel（贝果）。

首先温馨提示OK便利店手工Bagel系列只限于有新鲜面包供应嘅分店发售，有蔓越莓忌廉芝士、双重芝士、及红豆抹茶，烟韧弹牙，充满嚼劲，馅料分量十足，无论系就咁单吃，或者另外配搭乳酪、牛油果、忌廉芝士等食材都一样咁滋味。Bagel系列每日新鲜于香港制造，性价比高，建议先以焗炉轻烤，热腾腾、外脆内软嘅Bagel入口更为滋味。

除手工Bagel系列，三文治及夹心飞碟都推出咗新口味。包括重量级Sumo三文治新推出黑松露午餐肉碎蛋紫椰菜，厚切午餐肉渗出淡淡黑松露味道，三层爆馅；Super Soft超软三文治就新推采用日本照烧鸡酱、浓郁惹味嘅照烧鸡生菜，以及用上日本月岛芝士配美国车打芝士片，带来双重口感嘅双重芝士鸡卷口味。仲有期间限定田园系列夹心飞碟，包括日本半熟蛋、草莓果肉、芒果果肉、蜂蜜柚子。

波士顿派蛋糕近年喺日本及台湾掀起热潮，其蓬松超软绵蛋糕夹住少量柔滑忌廉，外表朴实，但入口蛋糕嘅绵密质感特别好味。圣安娜饼屋最近推出咗波士顿派蛋糕系列，独家配方以超松软口感及蓬松超软绵蛋糕质感配搭多款口味。

除咗之前大受欢迎嘅榴槤波士顿派蛋糕，早前仲加码推出芒果及士多啤梨口味，为让保持最佳质素，蛋糕会新鲜制造，每日供应数量有限，所以最后就提早预订。芒果波士顿派蛋糕配合轻盈柔滑嘅忌廉加上香甜新鲜芒果，每一口都有啖啖果肉配轻量忌廉；而士多啤梨波士顿派蛋糕 就酸甜平均、甜而不腻，喺软绵绵嘅波士顿派蛋糕上方用新鲜士多啤梨作简约点缀，丰富颜色嘅配搭，仲有阵阵果香。

如果系榴槤控就一定要试全港独有嘅D24榴槤波士顿派蛋糕，内层夹满顶级马来西亚 D24 榴槤，啖啖榴槤肉滋味弥漫口腔。凡于圣安娜饼屋预订「波士顿派蛋糕系列」，圣安娜Cake Easy金会员即享85折优惠；普通会员即享9折。

 

作者：Laurie Wu（爱保健爱旅游爱购物的熟女）

[email protected]