乐●活|新装旧情怀

2022-09-16 17:04

锺意行街嘅朋友,唔知有无同感,除咗一啲焦点大商场之外,好多时去一啲较小型嘅地区商场亦都必有一番滋味。

好似沙田好运中心系其中一个区内居民必到嘅商场,作为「外区人」嘅Laurie因有朋友住喺附近,所以每隔一段时间都会行经。自去年起因为华懋集团自斥资5亿翻新,所以部分地方围起板进行翻新,据知整个工程要去到2024年上旬先至完成,而首阶段就喺今个月率先登场,当中有近3万平方尺可供租用,当中包括引入沙田区内首家大型新鲜超市,稍后更会陆续有唔同生活品味店铺进驻,同埋会引入同区罕有同层集中约30多间特色食肆商圈。据知,商场会网罗城中特色本土小店,亦会有都会品牌、大型超市、环球餐饮食肆等。

除咗装修之外,好运中心仲换上咗新商标,以Lucky Plaza嘅「L」字母,嵌入代表沙田嘅「田」字,体现好运中心已经陪伴沙田居民40年,甚至系陪着居民嘅第二代、第三代,扎根于社区之中嘅独特情怀。

全新好运中心以Bags Of Luck@Your Lucky Place为主题,以Lucky Plaza中嘅「Lucky」结合五大元素,冀能成为名副其实为顾客带来「Best Of Luck」嘅商场,让每位来宾可以满载一袋又一袋的幸运而归。当中L (Local Inspiration,生活灵感)代表搜罗一众本地品牌及本土特色小店,将香港故事引进社区;U(Unique Adventure,独特体验)表达了连串购物优惠,让居民成为「好运代言人」;C(Culinary Experience,美食之旅 )象徵场内有多元化餐饮食肆,云集环球美食选择;K(Kuriosity,惊喜不断)显示连绵不绝的商场活动,与街坊共庆佳节;Y(Your Lucky Place,好运所在 )代表吃喝玩乐新热点,让居民满载好运而归。「好运福袋」会喺于优惠活动期间送出,Tote Bag内会放有滋味小食、汤包等,好让顾客带返家中与家人共享,期望透过「Bags Of Luck」,令顾客能够代代传承这份「Best Of Luck」。

讲开情怀,当然唔少得充满香港味嘅零食!惠康超市、Market Place、3hreesixty最近独家推出咗两大经典本地零食品牌嘅全新产品。其中包括来自逾60年老字号「华园食品」首创嘅酸菜鱼味焗鳕鱼柳和豆豉鲮鱼味焗鳕鱼柳,实行将把经典嘅豆豉鲮鱼和酸菜鱼化身为惹味鳕鱼柳,啖啖厚肉嘅鱼柳条无论系返工小食、在家煲剧,定系佐酒都啱。另一款就系珍珍薯片全新推出嘅炭烧羊架味薯片,每片薄脆嘅薯片充满炭烤独特风味,香口惹味。即日至9月22日,3款全新零食仲有期间限定优惠呀!

作者:Laurie Wu(爱保健爱旅游爱购物的熟女)

[email protected]

關鍵字

最新回应

You are currently at: std.stheadline.com
Skip This Ads
close ad
close ad