乐●活|秋日美味

2022-09-14 18:00

中秋已过,但天气依然热辣辣。锺意捐窿捐罅搵食嘅朋友又系时候出动去唔同嘅食肆,试下新推嘅秋季Menu。 

冰摇特浓咖啡,一杯以特浓咖啡、植物奶及冰块搭配黑糖或朱古力酱摇制而成嘅咖啡,喺美国大受欢迎,最近就进驻咗香港星巴克,仲连同一系列以秋日大热嘅栗子为主题嘅音频、甜品及轻食,为秋天揭开序幕。

4款以燕麦奶炮制嘅全新咖啡饮品为初秋带来新滋味,经手工摇制或冲调而成,味道香浓,并带有丝丝甜意及麦芽风味,从色调、质感及味道上都有着浓浓秋意。其中,黑糖燕麦奶冰摇特浓咖啡系星巴克首次于香港推出冰摇特浓咖啡。特意选用口感顺滑宜人,风味柔和嘅黄金烘焙咖啡衬托黑糖糖浆,再注入燕麦奶,芳醇平衡嘅黄金烘焙咖啡更能带出黑糖嘅甜香,营造香浓甘甜嘅多重层次,再配合带木调香气嘅肉桂粉,与冰块摇匀,令人回味无穷。同系列仲有朱古力麦芽燕麦奶冰摇特浓咖啡​,呢杯朱古力二重奏特别以风味较强烈嘅特浓烘焙咖啡,结合朱古力麦芽粉和浓稠馥郁嘅朱古力酱,加入清香嘅燕麦奶及冰块摇匀,缔造富层次嘅味觉享受。

栗子为秋季不可少嘅经典食,新推出嘅秋栗燕麦奶咖啡​就糅合蒸煮燕麦奶、特浓咖啡和浓甜栗子酱,燕麦奶嘅清香和栗子嘅烘烤风味完美平衡,喜爱冰凉口感的话亦可改选咖啡/忌廉星冰乐基底的秋栗燕麦奶星冰乐。另外,仲有4款秋栗主题嘅美味轻食及甜点,以突出栗子嘅清甜和绵软口感,包括:栗子芝士蛋糕、栗子松饼、栗子芭菲及栗子牛角包。

另外,星巴克亦新推出3款咸点,结合蔬菜、植物肉或鸡肉,带来营养均衡嘅轻食,包括Omni新炸鱼柳粟米包三明治​、烤鸡肉牛蒡粟米包三明治及Impossible希腊式猪肉酥。

另外,每年秋天,星巴克都会推出以品牌美人鱼为主题的商品系列,庆祝星巴克周年纪念,今年嘅Siren Coral Treasure系列就以海域神话中的魔幻世界为背景,包括了不锈钢咖啡杯、随行杯、珠光玻璃杯及星巴克熊等十款商品,整套系列采用淡蓝色、柔粉色和湖水蓝为主调,带大家游走奇幻海洋。系列更包括两款菱格刻纹的冻杯,及梦幻蓝白渐层的不锈钢随行杯,于香港星巴克网上商店独家发售。星巴克同步推出22周年纪念系列,以咖啡树及美人鱼鳞点缀两款玻璃杯及不锈钢随行杯。

锺情韩式美食的话,就要留意Shake Shack将于9月19起至11月中推出嘅限定菜式,包括 Gochujang Chicken Sandwich、Bites 及 Fries。味道丰富嘅Gochujang(韩式甜辣酱)系韩国料理中传统的调味酱料, 以红辣椒、糯米、发酵大豆和盐制成,发酵后变成浓稠的红色酱料,辣中有甜,甜中有鲜,常用于烹调各样焖煮菜式、腌料及煮汁等。Shake Shack 团队更加入了大蒜和生姜碎,使酱料味道更加圆满有个性。

其中Gochujang Chicken Sandwich以韩式甜辣酱包裹鲜脆多汁嘅炸鸡腿肉,面层洒焙煎香浓黑白芝麻,下层铺有惹味泡菜椰菜丝,一并夹于松软嘅招牌 potato bun 之中,口感丰富。限定小食 Gochujang Chicken Bites就是经典炸鸡粒淋上韩式甜辣酱,缀以黑白芝麻及青葱碎,每一啖尽是满足滋味,而Gochujang Fries就系招牌波浪薯条配韩式甜辣蛋黄酱及全天然苹果木烟熏烟肉,惹味无比。饮酒嘅朋友们仲可以配埋人气手工啤酒ShackMeister Ale,实行炸鸡配啤酒,品尝韩式炸鸡嘅至叹食法。

今个秋天,谭仔云南米线就联乘鸿福堂炮制「解辣山楂酸枣茶」,又名「谭仔X鸿福堂解辣茶」,主要成分系山楂及酸枣两款味酸嘅草本食材,不但酸甜醒胃,同时有清热利咽嘅功效,有助舒缓吃辣后嘅刺激感,仲可以帮助大家升级挑战更高辣度。谭仔X鸿福堂「解辣山楂酸枣茶」由即日起可以喺全线谭仔云南米线分店及鸿福堂门市并将陆续于鸿福堂网店「自家ON!」、7-11便利店发售,百佳超级市场10月有售。

另凡惠顾任何米线、宽面(净米线除外)或风味小吃,即可以推广价$9换购解辣山楂酸枣茶;于9月13日至10月5日期间,凡惠顾一餸或以上之米线或宽面配上大辣、特辣、双特辣、特特多麻等辣度,更可于结帐时以加配价$6换购。9月13日起顾客可以优惠价$8/支或$14/2支购买,至于鸿福堂网上购物平台「自家ON!」就推出限量优惠,会员可以$10/3支I(限量20支)或$21/3支入手。

作者:Laurie Wu(爱保健爱旅游爱购物的熟女)

[email protected]

關鍵字

最新回应

You are currently at: std.stheadline.com
Skip This Ads
close ad
close ad