乐●活｜美味回忆

每次约亲一啲去完外地出差，又或者即将离港嘅朋友食饭，中菜都一定系首选，可以话系一种对味道嘅怀念同回忆。

以新鲜、优质嘅食材，搭配唔同嘅烹调法，引出食材原本的鲜美度，对其味道、卖相嘅考究和要求，将美味嘅层次升级。美心皇宫除咗除了传统粤菜、招牌菜外，亦有一系列以「家 。 味道」为主题、全新推出嘅主厨推介Menu。

其中包括原只6头香芒虎虾球，用上原只6头马来西亚野生海虎虾，肉质爽口弹牙，鲜味十足，再调制招牌新鲜秘制芒果酱，酸酸甜甜加上果肉，咀嚼后芒果香留仍喺嘴里延续，系道开胃菜嘅不二之选。特别之处系主厨更特意用了椒盐嘅做法来处理海虎虾虾头，将满满嘅虾膏锁住，吃起来咸香可口。

酸菜鱼可以话系近年嘅大热，美心皇宫大厨将酸菜鱼重新演绎成山药秋葵黄金东星斑，令酸辣度更较适合港人口味。大厨将新鲜搅拌好嘅南瓜蓉加入热腾腾嘅酸辣汤，金黄色味道浓郁嘅汤底，带出辛香、鲜味与清甜等不同层次，再以肉质鲜嫩嘅东星斑入馔，酸辣中带点海鱼嘅鲜甜，亦加入有鲜淮山、秋葵、有机豆腐等配菜，健康又富营养。

煲仔菜可以话系粤菜嘅其中一大个经典，一道辣鲍鱼鸡煲就用上新鲜鲍鱼加上本地新鲜三黄鸡，以滑嫩嘅鸡肉和口感弹牙嘅鲍鱼达到双重口感，再搭配辣椒，香辣滑嫩，再加上以原煲上桌，达到保温效果，令鲍鱼香味在打开煲盖时散发出来，特别吸引。

粤菜出名工序繁多，喺屋企烹调既繁复又费时，好似杏汁海螺炖白肺就系其一。大厨以南北杏打成杏汁，再以美国海螺与猪肺以慢火炖足4小时，滋阴润肺。香酥荔茸鸭亦系唔少热捧嘅粤菜，其第一层外皮嘅酥脆，第二层芋泥嘅绵密，第三层鸭肉嘅嫩滑，第四层炸过嘅鸭皮香，可以一次过品尝到四种不同口感及味道层次。

将粤菜精髓亦可以摩登新鲜己形象延续，例如粤式西米焗布丁于粤式酒楼已非常少见，美心皇宫大厨就保留此经典甜品，以一盘焗起嘅方式展现于食客，每一口口感香滑且不过于甜腻，层次丰富，创造贴心且滋味无穷嘅美味回忆。

另一粤菜食府八月花，除着重食材嘅品质和味道，亦注入现代料理元素，炮制精致细腻及创意兼备嘅美馔佳肴。全新主厨推介包括堂弄过桥酸辣星斑，呢道酸辣星斑更会由店员即场以明火堂弄，不但能够保存鱼肉鲜味，同时又可避免腥味，提升整个口感。主厨特意选用约2斤重嘅星斑起片，去除鱼骨，肉质嫩滑可口，再配合虫草花、酸菜、鲜枝竹等等，加上酸辣口味，令人食指大动，温馨提示堂弄过桥酸辣星斑需要提早一日预订。 

另一道铁板葱香脆皮海参，有别于以往传统海味做法，这道脆皮海参先用排骨及火腿将海参扣至充满咸香，以高温烹调将海参炸得金黄香脆，香酥且不油腻，配合已切粒嘅香葱，香味扑鼻，一口尽尝多种口感，以选用铁板作为器皿，脆皮海参表层微烤焦脆而肉质结实多汁。椒麻酱爆鸡甫特意选用已去骨嘅鸡髀肉，肉质嫩滑多汁，使用自家调配之麻辣酱作为调味，将鸡髀肉煎香，并加上八角豆蔻，另有法国面包丝放于鸡肉上，松脆口感配上香辣惹味鸡髀肉，可谓「白饭小偷」，尝辣必试！

至于松子竹笙鱼米，就先将新鲜海鱼起肉炒粒，再加上蟹肉以及炸到金黄嘅松子，味道层次丰富但又不失口感，清甜消暑，旁边附有虾片，一道菜式有多种食法，虾片配合鱼米，口感松脆。原来豆腐窝就用上盐卤有机豆腐，加上以自家制豆浆作为汤底，豆味浓郁香甜，再配以大豆芽及鲜枝竹，以石窝形式上菜，使豆腐能够保持温度，保留菜式原有质感，柔嫩绵密嘅豆腐吸附满满嘅豆浆，加上大豆芽嘅爽脆口感，汤底浓厚而不腻。

店内仲有一系列特饮，除了传统茗茶外，特意新增西式茶及冷泡茶，如荞麦姜茶和红桑子乌龙茶，配搭新颖，用作盛载特饮嘅器皿都有配合饮品特色，大多都以透明杯盛载，不但适合「打卡」，同时又能看到饮品的渐层及配料。另外，亦有鸡尾酒例如妃子笑或是红酒和白酒，可边品尝新派粤菜，边与好友畅饮共享微醺时光。

 

作者：Laurie Wu（爱保健爱旅游爱购物的熟女）

[email protected]