赵家贤忆述被咬耳仔：「啪喇」一声咬完扯甩

(星岛日报报道)中年汉陈真前年十一月初涉嫌于太古城中心外，突然拿刀袭击二人，并咬甩时任区议员赵家贤左耳，他否认三项有意图而伤人罪及一项普通袭击罪，昨日于高等法院续审。赵家贤戴著人工左耳，忆述案发时被告「左手捉住我右边面，右手掂住我后脑，好似保龄球咁拉我个头埋身，将我左耳拉近佢个口，咬咗落来」，赵「发唔到力推唔开，（俾佢）咬住咗，听到『啪喇』一声，咬完扯甩（只耳仔），咬完之后两三秒先剧痛。佢将只耳仔『lur』落地，又将我个头拉埋去，想咬我只右耳。」

赵家贤在三名惩教人员看管下出庭作供，指当晚大量公众不满警员进入太古城商场，赵到场排解纷争，现场情况稍为安顿好后，便听到商场西门有人大叫「要人呀！」赵应召上前支援，出门后看见一对男女伤者浴血倒地，右转即看见三至八名市民跟被告口角对峙，赵上前了解事件时问道「你做咩打人？」被告带乡音回应「我唔系打人，我系打狗」，又称「我认得你，你系议员嘛」。当时现场仍有「好多争执说话」，被告突然右脚大力「吔」向赵左边跪地女士。赵随即叫保安控制被告，将被告拍向墙。

被告拍墙时本来面向墙，与赵身后市民仍然口角，被告情绪激动，突然「成个身郁动，保安唔够力，佢转身向出，想兜过自己左面去打市民」，赵不欲形势恶化，大声说「唔好」，摊开身体，手垂低「叉开少少」，尽力阻止被告，但赵指被告「好大只，阻唔到佢，个身过咗我，但将我拉返去身前面，左手捉住我右边面，右手掂住我后脑，好似保龄球咁拉我个头埋身，将我左耳拉近佢个口，咬咗落来，佢身材大只，钳住咗我对手，发唔到力推唔开，咬住咗，听到『啪喇』一声，咬完扯甩（只耳仔）」。赵家贤忆述「我再挣扎，（但）睇唔清楚，眼镜承托唔到跌咗」。赵家贤又言当时「左手掩住只耳，用右手推开佢，其他市民拉开咗佢」，二人分开后，大叫「呀！我只左耳！我只耳呀！」

被咬后赵家贤摸向左耳，感觉「黐立立」，因自己患有糖尿病。当时有义务急救员替赵寻回耳朵，放进保鲜袋内保存，而赵则「流血流到休克咁滞，义务急救员冚咗我几巴，最后醒返」，其后消防到场包扎治理送院。事后医生曾尝试将左耳「驳咗五十针，驳上去」，惟「血管驳唔到，一星期后左耳变黑坏死，（拆除后）用三十七针再联番（伤口）」。赵家贤庭上剖白当时听到「啪喇」一声「永世都记得」，本来「谂住攞身躯挡住佢，佢情绪躁动最多打我几槌」。接受手术前「情绪失控、爆喊」，心想「点解我想来帮手调解件事件？点解会咁暴力受袭㗎？点解个社会会变成咁？」案件编号：高院刑事二〇四——二〇二〇。