【有片】疑不滿學童百厭動手與年青人罵戰 老伯：我依啲叫教訓

教育小孩一向激起兩代爭拗，近日有一名老伯搭輕鐵時，疑不滿學童貪玩亂動，出手後聲稱是「教訓」而不是打人，旁邊年青乘客則出言阻止，指不應動手，激起雙方罵戰。

據網民金喪膽在facebook群組「無敵新聞香港 - HK Club 04」的片段所示，青年人不滿老伯「郁手郁腳」，老伯怒吼「我係郁手郁腳呀，你打電話告我襲擊都得呀」。隨後另一名年青人詢問「小朋友痛唔痛呀」？老伯亦問：「痛唔痛呀？」疑被打的學童低頭背向2人，未有回應。

老伯遂向年青人喝斥不滿可報警，但不可阻止他（教訓），因2名學童在洪水橋行為差劣，又強調「我冇打佢，我推佢個頭，叫佢扶好啲咋喎」、「我依啲叫教訓佢唔係打佢」。

年青人駁斥「你邊個呀教訓佢？」老伯再斥「你理得我邊個呀，你唔滿意叫差人過嚟」。老伯怒不可遏，續指「你地啲年青人從來都唔識教啲𡃁仔，嚟到依度遊樂場咁，鍾意點玩就點玩」。

網民反應兩極，有人不同意老伯稱「應該有人要出手推呀伯個頭，教下佢唔好咁大聲講嘢影響人」、年青人說得對，教導用口不用手；也有人稱現時的小孩不知所謂，沒有家教；「有啲小朋友真係好百厭」。