【維港會】拆開止汗劑摸走珠試用 職員怒數無品客三大自私行為

不少店舖會提供產品試用服務，不過部分貨品因衛生問題未有提供。一名在個人護理連鎖店任職的員工在社交網站投稿，力數無品客人三大自私行為，當中包括不少人未付款就自行打開貨品，甚至有人會打開止汗劑，直接用手指接觸走珠，即使被職員發現阻止亦會理直氣壯稱「我無試呀」。

該名員工在facebook群組「西客之道 Hispitality Secret」投稿，指曾經有客人選購止汗劑期間，自行打開止汗劑聞味，更想伸手指去接觸走珠。由於止汗劑走珠表面原本是乾的，「要轉幾轉啲止汗劑先會轉到出黎，即係話如嗰件貨咁樣比人搞過，係一定會當壞貨」，於是員工即時叫停對方，禮貌提醒對方止汗劑並無提供試用，但對方仍非常淡定回答：「我無試呀」 。

他又指，「唔知由幾時開始，啲人覺得未比錢打開包裝係無問題，幾乎有一半既客人係會打開個盒黎睇入面」，而當中部分人是為了查看說明書才決定買不買，「大佬你至少都摺翻好先放翻入去呀，而唔係當無人睇到就亂塞入個盒度...有時見到客人開盒出聲阻止，佢地仲會答你『下無封架喎』 。」

他續說，更有部分客人手指有強逼症，常常會壓壞透明膠盒包裝，「壓完係還原唔到！但佢哋買嘅時侯就會拎個最靚嘅去埋單」，「我真心希望大家購物嘅時侯可以將心比己，無人想買返屋企嘅野個盒係殘殘爛爛，無人想買支沖涼液原來有10個人擰開過聞過架嘛」，呼籲所有人停止此類行為。

帖文獲不少網民熱論，有人表示經常遇到同類情況，「我日日都遇唔少 我每次都會出聲」，亦有人認為沒有問題「聞沖涼液我又唔覺得有咩問題喎」，更有人出言諷刺「稱門口都冇鎖呀，你唔試下就咁拎件貨出去？」。