【維港會】巴士車長義載壞車小巴乘客 網民大讚反累寫報告

有時淋雨等車，你或者諗過有順風車救助，但肯定估唔到依部車係巴士！近日有小巴在馬鞍山大水坑壞車，全部乘客需要落車，而且當時正下雨，情況狼狽。有巴士司機駛過見狀，竟然停下義載乘客，獲網民大讚。

有網民在facebook群組「鞍山會」發文指，今早在繁忙時間搭巴士，中途見到一架小巴在港鐵大水坑站對出高速公路上壞車，全部乘客冒雨等車。巴士車長見狀隨即停車，義載他們到大學站。

該車長稍後在個人專頁「膠牌車長生活&製作記事」證實事件，又稱自己平日見到其他巴士壞車，若順路都會盡量幫助接載乘客，不過今次接載小巴乘客，未知有否問題。車長又稱，小巴在大水坑站附近壞車，相信也是去大學站；又指繁忙時間，相信「救駕嘅同線小巴都冇咩位」，方有義載決定。

不過事件在網上傳開後被九巴知悉，並要求寫報告交代，但車長直言不後悔：「小弟唔介意呢啲手尾，只係備個案咁，保障自己。唔知之後（公司）會唔會有咩會跟進啦，但小弟覺得是值得的……小弟只想低調行善」。

網民大讚車長好人，但也有人擔心他「有手尾」、「如果一有事果陣，保險索償就會有問題，隨時你自己要上身。真係破產都唔掂」。

九巴回覆傳媒查詢時指，車長因當時正下雨，在安全情況下接載共16名乘客。九巴重視安全，車長在任何情況下，須以安全為首要考慮。