粉絲全國賣燈箱廣告 賀許靖韻生日

為了令偶像有個難忘的生日，fans們都會花盡心思為偶像慶祝。像即將來臨的星期日（5日）就是歌手許靖韻（Angela）的生日，近年在內地人氣愈來愈高的Angela每次出席活動、表演或網上投票，fans們都傾巢而出為Angela造勢，人氣勁盛。

今年生日，fans在全國4個直轄市、19個省及36個地級市，買了超過1500個的「豐巢」Led Mon，連續7日播放對Angela的生日祝福。除了內地，香港亦有行動，fans在灣仔地鐵站亦買了燈箱廣告，另外又同連鎖台式飲品店合作製作生日杯套。除此之外，fans還非常有善心，他們以Angela的名義做了兩個公益活動，令Angela的生日過得更有意義。

Angela表示：「入行後歌迷都會送禮物俾我 ，但其實唔想佢哋咁嘥錢，因為好多都仲係學生讀緊書。有時大家傾吓偈，講吓近況，都已經好開心。今次買燈箱廣告去慶祝真係第一次，冇諗過，好驚喜好開心，佢哋仲用我個名去做慈善，真係好有愛。知道歌迷真係好錫我，所以我要更加努力，創作多啲好嘅作品回報番佢哋。」