【維港會】趁售票系統故障睇完《復仇者4》走數 UA：保留追究權利

看「霸王戲」可恥，承諾畀錢卻「走數」更惹人討厭！有網民表示，今早到UA機場影院看《復仇者聯盟4：終局之戰》卻遇着電腦系統故障，逾20人未能購票入場，職員在群眾壓力下放行，但要求他們離場時再付款，詎料大部分人都「無口齒」公然走數，僅樓主共3人畀錢。帖文掀起熱議，網民直斥影衰香港人，又形容是「賊仔睇英雄片」。UA院線回覆本網查詢時表示，經調查後有兩位顧客未有付錢離開，戲院會保留一切追究權利。

該網民在 facebook 群組「巴打絲打 Facebook Club」發帖稱，今早到機場UA戲院看早場的IMAX 版《復仇者聯盟 4：終局之戰》，但由於系統故障未能售票，當時有約20多人在售票處要求入場。樓主說，未能購票顧客大部份都是香港人「冇得入去嘅時候個個講粗口講得好凌厲」。而當時戲院只有一位年紀較大的嬸嬸職員，她在群眾壓力下准許入場，並強調完場時要補錢購票。

結果完場時，門口即使已放置圍欄，仍有觀眾越過圍欄離開，「無口齒......最後20幾人得3個畀番錢」。樓主擔心，該職員會因此被公司要求賠錢甚至開除，對方事後亦稱戲院門口有閉路電視拍攝，並將會報警處理。樓主批評，「害到人哋又累埋自己何必呢」。

大批網民紛紛留言，大罵看「霸王戲」的觀眾行為可恥，「香港有好多無品嘅人」、「做人做到咁無恥真係無言」、「$160蚊就睇到一個人嘅價值」、「而家啲人好多都係鍾意咩都嘈一餐，一陣吾畀佢入佢哋又係嘈嘅。 而家攞完著數又唔畀錢」。

另有網民質疑職員亦有責任：「點解可以未買飛都放人入場嘅？系統問題買唔到咪算囉 冇責任一定要俾你買到 咁點解要放你入去睇住先呢」、「應該即刻收錢先，畀咗錢先可以入場」、「電腦買唔到 仲有人手操作」。

UA院線回覆本網查詢時表示，一直有指引予員工處理售票系統突發情況，就今次事件，工作人員於早上發現售票系統運作緩慢，為免對顧客造成任何影響，當值員工即時酌情安排顧客入場事宜。經調查後，證實有兩位顧客未有付錢而離開，戲院會保留一切追究權利。同時，公司亦對當值員工處理是次事件的表現予以認同。

建立時間：15:25（2-5-2019）
更新時間：01:05