汪明荃羅家英撐枱腳 合巹交杯慶结婚10周年

上個月頭因做前列腺穿刺手術而受細菌感染，一度入院需留醫的藝人羅家英，真係嚇左粉絲一跳，幸好最後無恙，好快已出院，老婆汪明荃仲陪佢行山鍛鍊身體添。

一向恩愛的汪阿姐同家英哥兩公婆，不時都會放閃去旅行食飯相，阿姐昨日就又在社交網上載二人食飯撐腳照，合巹交杯相，原來昨日係佢哋結婚十周年纪念。阿姐開心寫道：「羅先生和羅太太慶祝结婚十周年紀念！飮杯！祝願大家身體健康！開開心心！」

相中見到家英哥精神煥發，兩人笑得開顔，什麼叫細水長流，相濡以沬，大家明晒啦。