【金像獎紅氈】32位主持齊晒冷 余香凝郭奕芯陳嘉桓鬥性感

今屆香港電影金像獎起用32位新人擔任主持，他們緊隨主席爾冬陞率領的董事局成員之後踏上紅地氈，當中余香凝、廖子妤、王敏奕、郭奕芯、陳嘉桓均超性感上陣。
余香凝的長的連身長裙看似最多布，但胸前透視部份剛好去到邊緣位置；廖子妤的吊帶低胸也岌岌可危。
王敏奕罕有性感坦言好緊張好大壓力，自爆狂黐膠紙，仍驚青有走光位。她說給男友曾國祥見過張相，但男友沒置評，笑稱：「佢依家睇我點都係咁，可能都係覺得咁靚！」
郭奕芯就低胸兼開衩，原本怕會太性感，但都ok，好鍾意令對腳變得好修長。陳嘉桓Deep V迫爆上陣，她表示還另一套較密實的在表演時穿著，因為可以行紅地氈所以穿靚一點，自言因應場合而隆重，加上步入夏天可以清涼一點。（攝影：鄧國良）