【維港會】黎明聲演騙徒呃錢過數 爆金句自嘲「我邊會拎到金像獎」

今日是愚人節，警方於Facebook上傳最新宣傳片段，更邀來天王黎明客串拍攝！黎明不忘發揮搞笑本色，更自嘲：「我邊會拎到金像獎呀」！

警方在其Facebook專頁上載最新影片，片中騙徒假扮黎明聲線，利用語音訊息，欺騙少女網上過數呃錢。錄音內容：「我係黎明，我喺內地被富婆操控，迫我拍劇，唔該你用網上過數方法畀我吖，畀我脫身返嚟香港參加金像獎。」受害人因覺得騙徒聲線與黎明相似，終墮入騙徒圈套。

黎明於片末亦有現身，扮演騙徒下一個目標，當他聽到假扮自己的語音訊息後，直言「真係當我懵仔魚呀？」，他更自嘲：「我邊會拎到金像獎呀」。

，