【維港會】麥當勞點餐機慢研餐牌不滿後客催網民：我揀下先

討論別人點餐態度？有網民在Facebook群組「Taipo大埔」發文，不滿在麥當勞點餐機前慢慢研究餐牌時，被後方顧客催促，事主認為自己無問題，堅持「點餐機不就要嚟咁用」，言論反而引起其他網民批評。

事主網上發文，稱在太和麥當勞點餐機研究餐牌，後面排隊等落單的女士提點「我不如幫你啦」，事主於是回答「我揀下先」。事主認為，「我知好多人排隊，咁都要等架。係嘅，我無背好曬餐牌（例如今期shake shake粉有咩），所以要邊揀邊諗」，又指「我忘記咗麥芝蛋飽係無得配餐所以要取消重選。」他更反問，「點餐機不就要嚟咁用」。

於是後方的女顧客開始不耐煩，一再追問，「不如我幫你喇，你要咩啊？」。事主當時心想，「多謝你咁熱心，不如你幫我畀錢喇。」

言論旋即引起網民批評，「香港，阻礙其他人浪費他人時間應該判死刑」、「話明點餐機，佢當係餐牌睇，要睇餐牌自己用手機睇到夠啦！阻住成村人仲當自己啱晒？」、「唔識唔熟就去櫃台買啦！阻住晒」。有人更引伸至其他場合，「最討厭原樓主呢啲人，就好似啲搭火車入閘磨袋又唔拎張卡出黎果啲咁討厭...唔該尊重下排後面嘅人」。