【好人好事】乘客搭的士無散紙 善心的哥願做蝕本生意：由佢啦嗰30蚊

有元朗網友昨日乘的士前往天水圍西鐵站，遇上超級好人的士司機，不但親切地提供路線選擇，無零錢找續時更豪言「由佢啦嗰30蚊」，主動提出免去29.5元的車資。樓主不忍的哥「做蝕本生意」，索取銀行帳戶資料後即到櫃員機轉帳40元。

該名網民在社交網站facebook專頁「盡在元朗」發文，稱自己乘搭的士前往天水圍西鐵站，甫上車司機便詢問其心水的行車路線「你想行左邊定右邊？左邊短啲，右邊長啲但得一個燈位！」，樓主選擇右邊路線，希望能夠更快抵達目的地，司機聞言便提醒「貴少少你唔介意嘛？」，樓主隨即表明不介意。

當的士抵達天水圍西鐵站時，車資為29.5元，惟樓主只得4張100元及1張500元，的士司機無奈表示「唔好意思呀先生，我頭先找晒俾啲客呀！」，更提出「由佢啦，嗰30蚊」，樓主見狀拒絕，表明「唔得，點可以做蝕本生意㗎，你有無銀行戶口㗎，我依家打俾你先，咁你有我電話號碼，一陣我過返錢俾你。」樓主下車後隨即在櫃員機轉帳40元予司機，並致電通知對方。

樓主在帖文中大力表揚這位服務態度超佳的士司機，直指「我覺得香港真係仲好好，求求你哋唔好令香港人無晒同情心啦」。聞得如此窩心的乘車經歷，網民都大讚充滿人情味，又指香港還有很多有良心的人。