滿臉倦容開工 呂慧儀：屋企嘢唔再回應

呂慧儀上周六凌晨於網上跟前夫黃文迪發聯合聲明，提到兩人於2018年尾已離婚，兩人共同撫養兒子「蟹籽」，分開亦不涉及第三者。呂慧儀今晨如常回到電視城拍攝《愛。回家之開心速遞》。她約10時45分離開錄影廠，友善地跟在場記者打招呼，隨後表示要先換衫。

有點倦容的呂慧儀離開服裝間，大方應要求拍照。問到心情如何？她說：「正常返返工囉，唔點應喇，其他嘢。多謝大家關心，都係如常生活，屋企嘅嘢唔再回應，都唔洗問我喇。（離婚係幾時嘅事？）其他嘢都唔回應。」

提到前好姊妹傅嘉莉日前網上發文喊冤，呂慧儀說：「都唔回應，我專心做好我嘅工作，湊好我小朋友就得。（同傅嘉莉仲係朋友？）我唔回應其他嘢喇，唔想再講落去。（隔離廠拍劇，見面怕唔怕尷尬？）我唔講喇，唔該晒！」

問到湊小朋友時間可需重新分配？呂慧儀說：「其實件事已經過咗去，所以依家唔會再講回應。（已經安頓好晒？）啊⋯唔講喇，我去開廠，都等緊我。」