满脸倦容开工 吕慧仪：屋企嘢唔再回应

吕慧仪上周六凌晨于网上跟前夫黄文迪发联合声明，提到两人于2018年尾已离婚，两人共同抚养儿子「蟹籽」，分开亦不涉及第三者。吕慧仪今晨如常回到电视城拍摄《爱。回家之开心速递》。她约10时45分离开录影厂，友善地跟在场记者打招呼，随后表示要先换衫。

有点倦容的吕慧仪离开服装间，大方应要求拍照。问到心情如何？她说：「正常返返工罗，唔点应喇，其他嘢。多谢大家关心，都系如常生活，屋企嘅嘢唔再回应，都唔洗问我喇。（离婚系几时嘅事？）其他嘢都唔回应。」

提到前好姊妹傅嘉莉日前网上发文喊冤，吕慧仪说：「都唔回应，我专心做好我嘅工作，凑好我小朋友就得。（同傅嘉莉仲系朋友？）我唔回应其他嘢喇，唔想再讲落去。（隔离厂拍剧，见面怕唔怕尴尬？）我唔讲喇，唔该晒！」

问到凑小朋友时间可需重新分配？吕慧仪说：「其实件事已经过咗去，所以依家唔会再讲回应。（已经安顿好晒？）啊⋯唔讲喇，我去开厂，都等紧我。」