拍《福爾摩師奶》夠輕鬆 陳松伶黃智賢NG片放笑彈

由陳松伶（松松）、黃智賢（Ben）、陳煒等主演的新劇《福爾摩師奶》近日熱播，劇情緊湊，令不少視迷追劇。雖然劇情是查案，有打殺流血場面，但原來一眾演員拍攝時好輕鬆，就算NG都「冇有怕」！

日前SeeSeeTVB專頁上載了一條短片，留言：「返工要輕鬆，拍戲都要嬉戲，唔係唔想一take過，而係對白真係好難記㗎！所以演員咪要搵唔同方法去放鬆自己囉～返工好難捱，你又有咩方法放鬆先？」

短片有多個令人爆笑的NG場面，例如阿Ben黃智賢「早咗出場」；黃智賢講錯對白，對住陳煒反白晒扮鬼臉；其中一場徐榮問福爾摩斯「係咩人」，松松唔記得對白，亂答：「福建人呀嘛。」搞到徐榮笑爆收場，話：「唔好玩啦。」，可見一眾演員拍該劇時拍得開心，合作愉快。