坦言想拍港劇 阿佘：掛住香港觀眾

對於好友周家怡憑電影《無雙》角逐應屆金像獎「最佳女配角」獎項，阿佘坦言好開心，因為自己經常不在港，加上對方要工作，未有吃飯慶祝。她說：「金像獎當日我唔知會唔會喺香港，但我會遙遠祝福佢，一定會吃飯，好想等到佢攞獎同佢慶祝。（如周家怡得獎會否喊埋一份？）我都驚忍唔住！」

問到會否為周家怡揀戰衣出席金像獎，阿佘笑言視乎對方會否問她，一定會給予意見，又認為最緊要著得靚，不過不知對方會否願意性感上陣。談到她可想參演更多港產片有機會入圍「金像獎」，她說：「梗係想啦！希望有機會。暫時上半年不在香港，希望下半年啦。」提到有網民投票想睇她拍港劇，阿佘坦言想拍港劇，因為也掛住香港觀眾，無論古裝或時裝也無所謂，更認為古裝造型變化更大，時裝對她來講會拍得舒服。