傳應采兒有喜 陳小春：希望在明天

陳小春與太太應采兒、佘詩曼（阿佘）、楊千嬅等現身澳門出席《德晉集團》春茗晚宴，陳小春表示《STOP ANGRY》巡迴演唱將會在天律、武漢及澳門演出，但申請香港紅館檔期較難，若今年未能成功申請有待下年，又笑言曾睇過好友鄭伊健為個唱綵排，搞到他心癢癢，但不會做嘉賓，反而會跟謝天華、林曉峰、錢嘉樂到入場欣賞。問到可會積極找老闆投資開演唱會？他說：「搵老闆唔難，開一場就難。（眾籌或自資開演唱會？）唔使啦！我打工架咋！」

提到鄭伊健演出首場演唱會時不慎跌咪，但好淡定示意工作人員手上沒有咪。小春說：「醒呀！呢啲咪教都教唔到，在台上要執生，型呀！」我就應該未試過跌咪，試過無拉拉鏈、甩鞋，跟住好型咁跳住舞著返隻鞋。」一直盛傳太太應采兒懷孕，問到是否有喜事公布？小春說：「多謝！你地好好心地，希望在明天。（豬年生B？）咩年都好，我就屬羊，太太就屬豬。（兒子Jasper可想有弟妹？）佢未識表達，但有講過想有細佬啲friend囉！多謝大家，如有會公布。」