孖祖兒遊日雪地共食甜筒啜晒嘴 阿Sa點名阿嬌：下次必須join

容祖兒本月中出席活動時透露做完演唱會就孖蔡卓妍（阿Sa）去東非及希臘小島旅行，話口未完，她已跟阿Sa去了日本滑雪，二人於社交平台瘋狂上載照片及片段，祖兒留言：「這個月行程之緊湊創出新高點 北京-東京-韓國-美國-廣州 腦袋和身體極度疲憊 幸好 老早已經約好 Mark實死期 天皇都無面俾 可以鬆個三兩天 和好朋友相聚在雪地的確如夢一般 不知何解 有些人只要站在你面前 你便立刻變得開心和自在」，祖兒@完阿Sa，再@鍾欣潼（阿嬌）和鄭希怡，說本來還有她倆，但「不要緊 我們時間多的是 雖然人在北海道 但是我還是決定先不滑雪 chill chill佢and食好嘢 #甜筒都跟你共吃一個 #食到成條頸巾都係」。
阿Sa就有去滑雪，她還貼上與祖兒啜嘴等自拍照，留言：「#又一齊去旅行喇 #又兩杯落肚 #又笑餐飽 #又錫錫 #又selfie #又8吓8吓 #又極都唔厭 #阿傻與煮鵝」，都一樣@阿嬌說：「爭妳呀 下次必須join!!」