維港會：新抱狂數奶奶囉嗦兼無腦 反被網民斥無家教

婆媳糾紛對不少家庭而言是個難以解決的問題，有女網民日前在社交網站facebook投稿，力數同住的奶奶囉嗦麻煩，經常詢問「無腦」問題，令自己感到厭煩。不過帖文未有引起網民共嗚，反而紛紛留言斥責樓主無禮貌、無耐性、無家教。

該名女網民在社交網站facebook群組「同住奶奶好惡頂」投稿，指同住的奶奶「成日對我做啲令我反感事情...把口就好似無咗個關閉制一樣」，直斥對方囉嗦、長氣兼麻煩。她力數8個例子，指自己放假不用上班時，奶奶便會問「你今日休息呀？」、「你放到幾時返工呀？」、「點解咁多假嘅？」，樓主在帖文中不耐煩表示「咩叫點解？你自己問我老闆吧！」

樓主又指，有次與丈夫相約朋友外出食飯，當準備出門口時，奶奶隨即追問「你去邊度食呀？咁夜先出去嘅？」、「去食咩呀？」、「同邊個食呀？」，而樓主則直接不回答，關門離開，「你又無份去，去邊度？食乜嘢？同邊個食關你鬼事？」

除了投訴奶奶囉嗦外，樓主怒斥對方問的問題極為「無腦」，她舉例指有時放假未有外出，奶奶又會問「你今日無出街咩？」，樓主抱怨稱「我大個棟喺度咁就梗係無出啦，難道我留咗個魂魄，肉身出咗街咩」；平日去上班前，奶奶都會問「你帶咗呢樣未？帶咗嗰樣未？要逐樣答晒先出得門口」，「我唔知幾時會忍唔住回應佢：我咩都帶齊，係爭在未帶埋你！佢自己無腦就唔好當所有人都無腦，講緊我幾十歲人，死就一世唔死就大半世，咁簡單的唔需要你提，廢都好似問緊：你今朝係咪空肚食早餐？」

不過帖文未有得到網民認同，大部分人留言力撐奶奶，批評樓主無禮貌，「我見到個好無禮貌又無耐性嘅新抱」、「我覺得呢個奶奶唔錯喎，起碼佢嘅煩係關心身邊嘅人。個新抱真係好難頂」、「咁有本事咪自己搬出去住囉，自己買餸煮飯做清潔，唔使要奶奶幫任何事，自己乜都一手一腳自己事自己理」。