【維港會】阿姐巴士尾座大覺瞓乘客拍片怒罵：你晚晚都係咁

2019-02-21 16:54

港人生活繁忙，不少人搭車都會補眠休息一下，不過如果直接躺臥成排座位，似乎有點過份。有網民發帖文，指有位阿姐經常在巴士尾排睡覺，更脫鞋將雙腳放在座位上。影片中樓主怒斥︰「你隻腳好乾淨呀？」

網民Anson Leung日前上載影片到Facebook群組「Fanling 粉嶺」，留言指星期三（20日）晚上8時45分，阿姐經常在開往九龍的277X巴士上，直接躺臥在數個座位上。影片中可見，阿姐以背包當作枕頭，橫躺在上層尾排座位玩手機，並把脫下的鞋子放在地上。

樓主認出阿姐，忍不住拍片喝止︰「呢度係坐唔係瞓㗎，你咁樣瞓，我已經幾日見到你咁樣㗎啦，你頭先打尖我都無出聲㗎啦，有無搞錯呀你，你隻腳好乾淨呀？」。不過阿姐沒有回應，裝聽不見。樓主續指：「你唔好扮聽唔到吵呀，依家錄緊你呀，你晚晚都係咁㗎，有無搞錯呀你真係。」樓主其後通知車長處理，但車長一離開，她就故態復萌，將雙腳放回座位上。

事實上，這位阿姐經常霸佔成排車尾座位睡覺。去年底，已有網民拍照上網，她睡醒後亦繼續臥着玩電話。

不少網民紛紛批評該女子自私︰「無藥可救，自私行為」、「人無恥，便無敵」、「踢走佢對鞋啦」、「如果急煞車我一定唔會笑」。更有網民指曾遇見該女子：「我前日見到佢，我一上車已經去樓上尾排坐中間個位，等佢冇得咁瞓，點知佢走左去車頭照喺度攤屍」。