尖沙嘴倒斃保安疑遭欠債不還 弟婦：患情緒病偶爾大嗌

尖沙嘴一名大廈保安被發現倒斃在大廈天台廁所，警方重案組接手調查死亡原因。 

早上6時，漆咸道南27號海景大廈一名50歲男保安被發現昏迷在15樓天台廁所內，送院證實死亡。死者弟婦指，與死者比較少見面，小朋友放假才會帶出去與死者見面、食飯，透露死者單身未婚，還有個胞妹，死者近年都除了上班都甚少外出。

弟婦指，死者日日都打電話給胞弟，昨晚10時左右死者有致電，「傾咗一陣...但自己無聽到詳情」，又指「成日打嚟都係問細路，兩個小朋友點啊，一係無錢，要我老公入錢畀佢，有時入200蚊左右」。

她透露自己從事社福工作，自己也不太介意死者借錢，因「有時見到無嘢食...一啲柴米油鹽都無，都奈佢唔何，叫佢去銀行睇下有幾錢又唔肯，始終有依個病，老爺奶奶走咗，都要要照顧佢」。她從丈夫得知，死者「好似有借咗錢畀人，我先生話幫佢追，佢又話唔肯」，又不肯透露借錢人身份及金額，但死者上班做兼職，相信「錢都唔多，我估一萬幾千」。

弟婦稱，死者近年患有精神疾病及情緒病，「最主要都係嗌吓」，她10年前認識死者時，「可能去見工，公司唔請佢或者有啲説話畀佢聽，可能返嚟會嗌啲鬧佢嘅説話出嚟」。弟婦稱，曾與死者同住幾年，死者有定期覆診食藥，但看似不會自殘或傷害他人，「應該無暴力傾向」。

弟婦坦言對事件感難過，稱死者積極求職，「一路無嘢做都Keep住搵工，但唔成功，最後係我老爺（死者父親）帶入行，跟住就好啲喇，長工又做過，散工又返過」。她又指，死者對工作好緊張，但未聽聞與同事爭執。死者自幼患有情緒病，一直無工作，但10年前入行後，主要返夜班，較早前在工廠大廈值班。

警方在現場發現血迹及死者的眼鏡，又根據升降機閉路電視錄影片段，發現該名保安於凌晨1時10分左右進入升降機上樓後，再沒有出現過。