【有片】懶理前車倒後泊位加速搶截 無品女司機被揭有前科

香港車多泊位少，爭泊位情況時有發生。網上瘋傳車Cam片段，一名司機倒車泊位之際，後方一名駕駛着電動私家車的女司機突加速駛至，成功「截糊」。但女司機疑因未能完全將車泊好，遂落車與前車司機對質，聲稱「等咗嗰個位好耐 」。網民都幾乎一面倒轟女司機「好無車品」，但亦有網民認主泊車技不如人。

有網民前日（13日）將影片上傳至fb群組「馬路的事討論區」，斥片中女司機「無恥便無敵」。片中所見，事主駕駛私家車至油麻地碧街時，發現一個咪錶車位，準備倒後泊車之際，一輛才剛從街口轉入的紅色電動車突然從後加速「截糊」，打斜停在車位內，搶奪成功。

事主在片中未有移前讓步，但電動車上的女司機疑因未能將車完整泊好在車位內，遂落車走到前車位置。片段沒有音效，但有網民留言指目擊到當時情況，形容電動車「夾硬塞落去」，女司機事後「大大聲同寶馬司機講話佢等咗嗰個位好耐 ，但係佢砵蘭街等緊」。約半分鐘後，女司機返回車上。片中未有交代事件結局，但可見有其他車輛從後駛至。

不少網民替事主感不值，齊齊聲討女司機，「離晒譜」、「好無車品囉呢啲人」、「安全帶又唔扣，衰到都唔識點形容」，並建議事主1823舉報；有網民更將女司機起底，指她有前科。有司機則慨嘆，「而家越嚟越難泊車，好多人一見到錶位就衝埋去，成日見人為個錶位嘈交」，另有網民認為事主有責任，「應該頭入再扭出一半多車位，之後尾入泊正。咁咪乜事都無囉」、「下次泊車爽手啲，同呢啲司機嘈都係晒氣」。