維港會：帶32歲兒子求診無證件被拒掛號 港媽：佢係處男仲係細路

在家長心目中，仔女永遠是個小孩，32歲的大男人也不例外。近日，有診所醫護人員在社交網站Facebook專頁「西客之道」投稿，講述一名媽媽帶32歲的兒子來看病，但未能出示身份證而大鬧診所的經過。

日前一位港媽到診所表示想幫兒子掛號，因為新症，護士要求出示證件登記，豈料港媽開始發難，表示自己兒子只是個小孩，無帶身份證。姑娘了解後發現港媽口中的小孩，是個32歲正在打機的的男人，並向港媽表示成人一定要有證件先可以登記。怎知港媽開始大鬧診所，表示她的兒子是處男，「未結婚呀未生小孩，所以仲係細路。」候診室病人聽到後忍不住笑，反而他的兒子繼續打機無反應。

姑娘表示無證件無法登記，港媽聽到後狂鬧對方無醫德，「個仔都係想唔返工攞張假紙又唔阻您幾耐，我又唔係無錢俾您，開張紙好難咩？」後來更粗口橫飛，話叫個仔上網寫衰間診診所，「又企喺我診所門口同準備入嚟嘅病人講唔好睇呢間診所，個醫生係賤人。」

網民看到帖子後，紛紛驚訝「真的一日未死一日都尚有新聞」、「32歲唔帶身份証？報警拉你都仲得呀，仲咁厚面皮喺度嘈？」、「似係個老母縱到個仔咁，好多時有咩父母就有咩仔女」。