方力申呻單身要食自己 鄭中基：想有女友就去投胎

鄭中基《One More Time世界巡迴演唱會》昨晚在紅館舉行第3場，適逢是大年初二放煙花，演唱會改為晚上9時35分開始；而圈中捧場客有林家棟、黃又南及余香凝等。表演嘉賓方面，鄭中基除繼續與父親鄭東漢和囡囡鄭梓喬上演三代同堂溫馨合唱外；還請來曾於《美女廚房》合作過的好拍檔梁漢文（Edmond）和方力申驚喜現身，一起合唱改編歌詞的串燒歌，歌詞更鬼馬的提到「成龍個仔唔識煮嘢食....陳冠希唔怕『辣撻』食盡中西日韓餐」。

3人又大放笑彈！Edmond先問觀眾有沒有掛住他們？小方反問：「掛住乜先？係坑渠水味意粉還是屎味魚蛋？」鄭中基則說：「十年無睇過《美女廚房》喇。」Edmond更正道：「人哋最近都有做。」小方反駁指：「嗰個係假㗎！」Edmond再謂：「你都痴痴哋！以前話奶係假，依家又話個節目係假。」

鄭中基就建議再合作做一輯《美男廚房》，怎料小方指二人變了，原本的『美女』幾好。鄭中基解釋：「我哋已經有家室，唔可以再亂咁食嘢。」小方投訴道：「你哋兩個上晒岸、升晒呢有家室，但我仲係single，當年我唔係single就安分守己，依家single就要食自己。」鄭中基笑指如果小方想快點有女朋友就去投胎。小方續謂：「我真係好需要，因為好耐無搞過，真係好想搞......返個節目！等我聽日返去同TVB傾吓。」鄭中基即喝止小方，指不一定要TVB，現在還有ViuTV。Edmond更雄心壯志說：「新一年要有大志，我哋唔應該搞個節目，要直接搞個電視台，播晒我哋嘅歌和戲，仲要搞埋頒獎禮，全部獎都係我哋攞，我連電視台個名都諗埋，就叫做『T Viu B』。隨即3人兵分路向觀眾逗利是，笑言是集資開電視台，並且會盡快開台。最後以《無賴》作結演唱會。

此外，當晚亦鬧蝦碌！鄭中基演唱《想愛你》時突然甩嘴，他一臉歉疚道：「真係唔好意思，咁多場都未試過，都唔知點解會咁，我係唔容許自己咁樣！」隨即重唱一遍，唱完後再自嘲：「離晒譜，突然發台瘟！」