《廉政風雲》再登單日票房冠軍三大影帝影后興奮感謝觀眾支持

2019-02-06 20:05

由張家輝、劉青雲、林嘉欣三大影帝影后主演的英皇賀歲片《廉政風雲煙幕》，昨日初一以397.4萬登單日票房冠軍，而今日初二再登單日票房冠軍，兩日累積總票房破700萬(7,502,141萬)。

劉青雲表示感到好興奮：「知道《廉政風雲煙幕》開畫成績咁好，當然感到好興奮，好多謝大家支持，喺呢度順道祝各位觀眾新年快樂、萬事如意、身體健康！」

張家輝獲悉喜訊後表現雀躍：「多謝大家支持，收得梗係導演和老闆請食飯。」

而林嘉欣表現更興奮：「恭喜發財，新年快樂，嘩！人生第一套電影上賀歲檔就有咁成績，好犀利呀，一開畫已經係冠軍，恭喜晒所有台前幕後，講到好似自己攞獎咁，祝大家一齊㷫㷫烚烚一齊去睇《廉政風雲》片啦！」，而當她知道今日再登單日票房冠軍，她更雀躍地說：「恭喜發財，新年快樂！《廉政風雲》開畫的第二日，嘩！好開心呀！原來今日開畫後仍然是票房的No.1，恭喜楊老闆、恭喜麥導演，希望繼續陸續有來。」