首映反應不錯 祖藍:毛姐可以歌舞片提名影后

王祖藍、毛舜筠（毛姐）及洪天明出席歌舞賀歲片《你咪理，我愛你》福幼基金會慈善放映場，為該片執導兼演出的王祖藍，笑言今日好似「潛行追擊」去到不同戲院隨機抽樣入場睇觀眾反應，從長者、情侶及學生場次後，獲得不少信心，原來香港人接受廣東話的歌舞片，觀眾大讚部戲好得意同好喜歡毛舜筠，男人喜歡睇身材，女人就喜歡睇演技。

毛姐透露首映禮的反應不錯，姐姐同媽媽睇完也讚好睇又喜歡，女兒則一向覺得她演戲好感動好睇，老公會較為挑剔，但有讚她演得好。在旁的祖藍即說：「我覺得毛姐可以創一個先河，以歌舞片提名影后都得，有人同我反應覺得她是喜、怒、哀、樂，完全有不同立體演技，仲要唱埋歌，歌精舞勁演技去邊度搵？」毛姐笑言提議要搞慶功宴，祖藍即應承指等對方旅行返來即搞。問到可有信心憑該片提名影后，毛姐說：「呢樣唔講啦！如果再搵我拍的話，應該加片酬。」
另外，提到太太李亞男稱不生B，祖藍澄清謂太太會再生B，太太很喜歡小朋友，只是要等傷口復原。