兩歲囡中流感被逼隔離多天 李蘊心痛：病一病瘦晒

流感肆虐，李蘊的兩歲幾囡囡羅紫晞日前亦感染甲型流感，由於傳染性太強，所以要將女兒暫時隔離，令李蘊心痛不已。

李蘊日前已帶同5個月大的細仔「小新」暫住酒店，只能透過視像與女兒見面，她在社交平台發帖，直言感到內疚，「媽媽好想錫你～～但要照顧細佬..同埋餵奶..所以媽媽呢幾日都唔可以接觸你..我好內疚..喺個寶貝女咁辛苦嘅時候無得好好照顧你....好想陪你渡過呢幾日..好無奈..生兩個小朋友就係咁」。

至目前，女兒已被隔離超過5天，雖然已經退燒，但由於傳染期未過，仍未能外出，不過李蘊昨日已回家跟女兒見面，戴上口罩的她攬實囡囡，並說：「女啊～我今日終於攬到你啦！！病一病瘦晒！掛到我傻咗！但極速返屋企半個鐘執完行李就要返酒店啦～聽日我帶住細佬上機返鄉下先..因為晞晞傳染期未過..仲要隔離多幾日..下星期你再跟爸爸過黎過年啦～又要等幾日先有得見啦～～～」。