師傅打技工片段瘋傳 九巴拆彈稱是兩父子：愛之深責之切

facebook日前流傳一段網上片段，指九巴一名維修師傅疑斥責一名技工，更推對方的頭落地怒駡。九巴事後在其facebook專頁上載一張四格圖，稱片中兩人為「父子」關係，又形容事件「係愛啊」，「父親」訓斥則是出於「愛之深責之切」，並指兩人最後「一笑泯恩仇」。

有關影片周日（27日）晚流出後，掀起熱議。九巴昨日在其facebook專頁「KMB 九巴專頁」發帖，以「其實都係緊張你啫」為題，為事件解畫。九巴指，影片中的維修師傅是技工的父親，所以師傅怒罵其實「係愛啊」的表現，出於「愛之深，責之切」，「兩父子表示平時都係咁相處㗎啦，一場兩父子嘅相處竟然變成大家茶餘飯後嘅話題」，又指兩人因此「一片而紅」感到無奈。

九巴的四格圖片所見，兩人甚至交換角色，互相捏對方耳朵，並配上設計hasgtag「點解話極你都唔聽」、「老豆仲唔輪到我捏番你」。兩人又一同查看網上流傳的片段，稱「原來要紅話咁易」。貼文強調，師傅緊張亦僅為乘客安全着想。

兩父子看來已和好如初，有網民大讚九巴「兜得靚！抽得正！」，認為「（師傅）冚佢一把即係教精佢咋」、「師傅唔話你，有你出錯，變害你」、「呢件事我深信個師傅都係想教好個技工嘅啫，但可以處理得好啲」。但亦有網民質疑九巴，「咁樣對學徒，九巴都覺冇問題？」、「原來呢啲係貴公司training方法，教還教，唔洗郁手呀嘛？！」九巴小編則留言解釋：「其實佢哋話冇打大家㗎」。