【六旬翁搬屋失22萬元】稱未收警通知找回錢 胞姊：擔心到皺紋都出晒嚟

一名64歲姓梁廚房工人(梁伯)與妻仳離須調遷，上周由何文田愛民邨新民樓舊巢遷往新居，惟忙中遺下一個尼龍袋在梯間，內藏22萬元「金牛」，折返上址遍尋不獲。警方經調查後，在現場附近拘捕一對母女，並起回部分贓款。

梁伯的胞姊今早到梁伯的新屋打點，她說知道胞弟不見了22萬元時都好擔心，記者告訴她已找回全部錢，她表現愕然，反問「係咪真架？我哋唔知呀，佢(梁伯)又冇講，警察又未通知佢！」。她昨晚知道梁伯出事，仔女都上來新屋幫下手。

梁姊說，知道他不見了錢，「都無咩可以幫到佢」。她說，「知佢個鎖唔得，上來幫佢搞搞」。她又說，梁伯的女兒昨日幫他買了幾件衫褲。「我個女又幫佢買啲，每人幫佢買啲嘢！」。她說全家都擔心弟弟，「我一個細佬咁悽涼，你唔幫佢點得啫，梗係擔心啦，擔心到我皺紋都走晒出嚟！」

事發本月26日，64歲姓梁廚工在何文田愛民邨新民樓搬屋，其間誤將放有22萬元現金及冬季衣物的紅白間大尼龍袋，放在地下大門外面後忘記帶走。事主其後離開愛民邨時，始記起不慎遺下巨款，隨即折返舊居，惟尼龍袋及巨款已不知所終。