周汶錡大仔跳水 拍心口壯膽cute到爆

名模周汶錡（Kathy）自從嫁左法籍丈夫Julien Lepeu，生了兩個可愛囝囝後，不時會在社交網上載一家人的溫馨生活照，今日佢上載了多張相片，及大仔跳水片，老公同兩個仔一齊泳水，仲擺出趣怪表情，cute到爆。

Kathy公開的相片中，其中一張見老公在泳池中，左擁右抱兩個囝囝Jacques 及Avner，兩個囝囝就戴上手袖水泡，老公好似大細路咁，同兩個仔一樣玩伸脷，見1歲的Avner長大了不少，浮在水面，捉實兩隻腳仔俾媽咪影相。

另外仲上載埋一段Jacques跳水片，Jacques站在池邊，戴住泳鏡及手袖水泡，裝備十足，然後扭動了兩下身仔，再用手仔拍一拍心口壯膽，之後就助跑兩步一躍跳入池中，不停發出「Bu..Bu...」聲，好可愛啊！爸爸即時勁讚Jacques叻仔，舉起兩隻手指公俾like。