小別勝新婚 張頴康撇低仔女同老婆撐枱腳

藝人張頴康一向是愛妻號，日前由雲南拍完外景，飛返香港回氣後就即刻同老婆撇低仔女去撐枱腳食壽司，勁Sweet。

張頴康在雲南拍攝外景期間，不時話掛住屋住，雖然面對靚景，但都不及家中的愛妻及一對可愛仔女，日前係社交網上話：「拍攝完成，即刻飛返屋企！ 但係，要坐4個幾鐘頭車去麗江瞓幾個鐘，聽朝一早坐內陸機飛去成都，再喺成都轉機返香港，返到屋企都已經聽晚7點！ 原來，收咗工唔可以即刻返屋企都幾痛苦！。

經過幾天樂聚天倫兼回氣後，尋日就抽出時間撇低仔女享受二人世界，去左撐枱腳食壽司，兩人仲自拍，勁Sweet。老婆麥雅緻仲話：「百般不捨留咗兩個小朋友喺屋企，除了2 人世界晚餐，仲把握時間衝呀， 原來冇帶d細路出街嘅日子，係可以做到咁多野㗎！」