工作忙錯過子女成長時刻 林盛斌首見證細囝叫爸爸

林盛斌（Bob）與太太黃乙頤（Pearl）育有三女一子，Bob平日工作繁忙，錯過不少子女成長時刻，直至近日終於首次見證細囝林道申（Jaye）叫他爸爸。

Bob在社交網instagram上載一段影片，可見Jaye笑笑口叫爸爸，Bob一聽到後隨即興奮狂叫。他又留言感嘆自己錯過不少子女生長時刻，「因為工作關係，好多時屋企幾個小朋友嘅第一次乜乜乜我都去唔到、睇唔到、聽唔到，最多都係老婆拍片之後再send俾我睇，例如：大女霏霏第一次幼稚園畢業禮、入學禮；二女熹熹第一次踩單車、第一次學識溜冰；三女機機第一次學識爬、學識行；細佬JJ第一次學識轉身等等。仲有好多好多，我都見證唔到.... 今日終於第一次第一身親耳聽到」。

不少網民都留言大呼感動，「好爸爸，好感動」、「有同感，所以小朋友每個時刻都要睇到，細佬好可愛吖」。