朱晨麗拍外景收花感安慰

朱晨麗繼劇集《特技人》與譚俊彥合作扮演情侶後，兩人於新劇《法證先鋒IV》再續情緣，不過今次是飾演上司與下屬關係，難怪朱朱笑言可以短時間再跟對方合作好開心，因為不用再磨合，大家埋位只要一個眼神就知道應該點接，慳返好多時間，不用多排練。

早前朱朱與譚俊彥到花店拍攝一場查案戲，曾揚言喜歡收花的朱朱趁未埋位周圍觀賞的鮮花，豈料花店老闆送贈兩紮花給她，𠱁到她笑騎騎，表示：「大家有所不知，我之前生日都冇人送花畀我，好在老闆好好人，聽到我咁講，好似好慘就送花畀我，總算有點安慰，後來我梗係有拎返屋企擺，我隻貓見到都有眼望望。」