【安全屋幽會】《我要做Model》截圖瘋傳 鄧Sir：警司先有鎖匙

警隊爆出桃色醜聞，一名已婚警司被揭發涉嫌帶已婚女伴上警方用作情報工作及保護要人的「安全屋」幽會，女方更懷疑多次自出自入「安全屋」，而有關鎖匙則由警司保管，下屬並無持有。此情此景，恰恰與15年前電影《我要做Model》的一幕相似，令網民大讚編劇夠寫實，「如有雷同真係實屬巧合」。

有網民在Facebook群組「巴打絲打 Facebook Club」上載截圖，2004年喜劇電影《我要做Model》情節，由藝人鄧梓峰飾演的警司鄧Sir，與一名年輕女子欲到位置偏僻的小屋幽會，鄧sir問「啊鄧警司今日帶你嚟玩，你開唔開心先」。女子反問，「你唔怕你老婆知咩？」。鄧sir更說：「你千祈唔好講啊，不過唔怕我哋嚟到邊境咁遠，你睇到個度間屋啊？警司級呢，先至有間屋嘅鎖匙嘅。」

網民大讚電影情節是跨時代預見未來的，又指可能今次警司也是從該電影「偷橋」。