張繼聰一家總動員出巡 囝囝Chok爆阿女賣萌

張繼聰與謝安琪（Kay）這一家從來無吝嗇將日常生活照放上網，今日阿聰又在Instagram上載全家總動員出巡大合照，與大家分享，真係型到一個點，型到噴汁！

原來謝安琪忙完頒獎禮後，尋日同老公及一對仔女總動員出街，去左睇畫家小克的畫展，仲晒出全家合照，不過焦點全落晒係阿仔張瞻及阿女度。張瞻不經不覺已長高到媽咪膊頭，仲梳住個噴泉頭，單手叉腰，Chok到爆！而阿妹張靖（Karina）就賣萌，兩隻手篤住臉仔扮可愛。

另一張仲厲害，噴泉頭既張瞻交叉腳，兩腳屈膝叉晒腰嘟埋嘴眯眼，真係無得輸。

粉絲大讚：「妹妹真係妹得意，仲得意過架上面啲公仔」、「全家型到一個點👏依家連妹妹都識擺post」，「哥哥好有型啊！」，結果15 小時，就有5萬7千幾個讚。