【金球獎】占基利拖實緋聞女友 大方認戀情　

第76屆金球獎今早登場，一眾紅星行紅地毯是指定動作，分分鐘有驚喜。

56歲的荷里活著名諧星占基利（Jim Carrey）就派彩蛋，一身全黑西裝配黑色襯衫入場，仲拖實比佢細22歲嘅緋聞女友Ginger Gonzaga，以情侶裝姿態，襯到絕雙雙踏上紅毯步入會場，謀殺不少菲林。

唔單止咁，當記者問是否要公開戀情，占爺就話：「佢係我女友！」，大方承認兩人戀愛中。嘩！Ginger Gonzaga立即展出燦爛笑容，冧爆。

佔爺過去曾有2段婚姻，曾坦言這兩段婚姻後自己有「恐婚症」，表示再也不會想踏入婚姻中。